Iberians (已結業)

好耐无过黎呢间气氛浪漫嘅餐厅，呢度有我最爱嘅西班牙菜，之前无食过嘅菜式今次都叫黎试下，几有新鲜感～加利西亚章鱼系一道好出名嘅西班牙菜式，今次第一次食。新鲜章鱼同埋薯仔、洋葱、红椒等一齐烤，章鱼嘅肉质鲜嫩，配搭嘅食材令佢更加丰富，风味独特～要个Smoked Salmon Caesar salad清新一下口腔，再饮好耐无饮过嘅红甜椒忌廉汤一流呀～呢个汤系西班牙传统汤品中嘅经典之选。用红甜椒、洋葱、大蒜同埋忌廉煮，仲另外仲有香草等等，味道浓郁，口感滑嫩，配埋劲蒜法包好滋味～西班牙菜当然唔少得炖饭啦！鸡肉炖饭里面有鸡肉、洋葱、蕃茄、红黄椒等配料，炖煮后嘅米饭吸收咗汤汁同埋香味，口感香浓，超级好食！黎呢度饮平时饮开嘅Virgin Mojito同Virgin Colada，水准高，一杯用薄荷、青柠、糖浆、苏打水调制，味道清新怡人。另一杯系用椰浆、菠萝汁、糖浆等调制，带有淡淡嘅椰香味道，两种口味大不同，各有特色～。