E Molto Buono (已結業)

环境5分：暗灯浪漫，室内外散座唔会密麻麻，用上木地板又够干爽，室内温度刚好，厕所又干净，无可挑剔，所以满分。卫生5分：餐桌上有整齐嘅餐具，餐巾同枱布，食物又靓又新鲜，餐牌都雪白过人，卫生一样满分。服务5分：服务生温柔友善，上菜时主动介绍食物，中间又会自动加水，都系满分。味道4分：1)三款面包各有各脆法，唔点啲酱都已经够哂味。2)牛肉他他捞埋只水煮鹌鹑蛋搽上块多士黎食，又香又滑又脆，继续满分！3)个海龙王汤就淡味咗少少同稀咗啲，所以扣咗半分。4)个烟三文鱼卷个烟味好light，鱼肉幼滑，虾慕丝配忌廉汁又唔溜，味道好鲜，一定要食！5)个番石榴雪葩好清甜。6)主菜个龙虾爽口又鲜甜，不过个意大利饭就熟得滞，所以要扣半分。7)玫瑰花茶香而不俗。8)甜品焦糖炖蛋好light好软滑，茶味仲好香。9)蝴蝶酥饼不油腻，朱古力都好好食。抵食4分：龙虾晚餐用料新鲜，摆盘又靓，环境服务都非常好，$738都几抵。