影片
更多
2018-11-02
2096 浏览
餐厅主厅呈长条型，楼底高，几盏瑰丽吊灯，灯火通明，尽头有个西式壁炉，上面更有圆镜。 感觉似喺间欧式公馆、博物馆食饭咁，浪漫又典雅。【干邑龙虾汤$68】味道浓郁鲜甜，感觉系所有龙虾精华汇聚淆制。入面有一件龙虾钳肉，咬落去渗出厚重干邑白兰地味道，有惊喜。水准好高嘅龙虾汤，必点之选。【白菌焗田螺$78】田螺下面系原粒蘑菇一齐焗，夹埋又几好食。下层嘅薯蓉都不可忽视，焗得香口仲带少少蘑菇味，几特别，平时我未必会食晒啲薯蓉，今次就清晒~【英式苹果酒炸虾$88】份量大，薯条同虾都系即炸热辣辣，小心辣口。薯条系极粗身； 虾爽口又食到鲜味，但食唔苹果酒味道；沙律亦清爽开胃。【烤特级安格斯西冷牛扒(十安士)$280】薄身但巨型，肉汁丰富牛味浓郁，如果肉质再嫩滑啲就perfect啦。配有烧汁，带少少酒味，几特别。【香煎珍宝虎虾配黑松露菌意大利饭$188】第一啖入口感觉系浓厚黑松露味，虎虾鲜爽香口。全个饭每一啖都好多黑松露同菇菌味，足料。【朱古力心太软蛋糕伴雪糕$68】用小木板上，再加糖酱同糖霜装饰，别致得嚟又有啲温暖感觉。流心效果做得好，朱古力味浓郁。 比较特别系配芒果味嘅雪糕，不过个人都系觉得心太软配云尼
【干邑龙虾汤$68】
味道浓郁鲜甜，感觉系所有龙虾精华汇聚淆制。入面有一件龙虾钳肉，咬落去渗出厚重干邑白兰地味道，有惊喜。水准好高嘅龙虾汤，必点之选。
【白菌焗田螺$78】
田螺下面系原粒蘑菇一齐焗，夹埋又几好食。下层嘅薯蓉都不可忽视，焗得香口仲带少少蘑菇味，几特别，平时我未必会食晒啲薯蓉，今次就清晒~
【英式苹果酒炸虾$88】
份量大，薯条同虾都系即炸热辣辣，小心辣口。薯条系极粗身； 虾爽口又食到鲜味，但食唔苹果酒味道；沙律亦清爽开胃。
【烤特级安格斯西冷牛扒(十安士)$280】
薄身但巨型，肉汁丰富牛味浓郁，如果肉质再嫩滑啲就perfect啦。配有烧汁，带少少酒味，几特别。
【香煎珍宝虎虾配黑松露菌意大利饭$188】
第一啖入口感觉系浓厚黑松露味，虎虾鲜爽香口。全个饭每一啖都好多黑松露同菇菌味，足料。
【朱古力心太软蛋糕伴雪糕$68】用小木板上，再加糖酱同糖霜装饰，别致得嚟又有啲温暖感觉。
流心效果做得好，朱古力味浓郁。 比较特别系配芒果味嘅雪糕，不过个人都系觉得心太软配云尼拿味雪糕会夹啲。
食物水准相当唔错，有啲菜式仲有啲小惊喜或特别之处，而且地方就脚，价钱合理，服务优良，Encore之选！
张贴
