Seafood Stand (已結業)

元宵佳节后又到西方情人节，呢期都要交人……系两个人撑枱脚嘅餐饮主导架啦！今晚喺乐富广场玩完超巨大Emoji夹公仔机，就梗系揾间有情调嘅餐厅叹下……呢间新开噃，就入去试下……入去拣咗梳化位，望到墙上绘有Q版渔夫钓龙虾，好搞笑又带出咗餐厅名字同主题。呢度主打海鲜、汉堡、生啤、手工啤酒同特色饮品……虽然食汉堡都好浪漫……不过情人说要点春鸡，冇所谓，春鸡都做得不错，如果烧汁另上会满足啲，老虎虾不如想像中大只，好彩够爽脆，加返啲分！最正竟然系芝士薯蓉，表面有少少焦烙，薯香混和芝士浓香，口感唔错，拉丝冇难度……还有特饮"night sky(仲夏夜空)"，系荔枝、柠檬、蝶豆花梳打……长长杯身盛著紫色、红色、黄色3种层次，顶上放上大大块薄荷叶，秒杀女人心，系今餐浪漫嘅亮点！