影片
更多
2019-02-16
2816 浏览
(未开始之前，要澄清蓝妹呢篇食评足足迟左差不多半年先写，所以细节可能同最新既有出入)男朋友生日，为左比个惊喜佢，揾左好耐晚餐食咩好。揾左好耐，见到呢间「Spark Bar & Restaurant」评价唔错，蓝妹亦睇中佢逢星期五会有live band show，算系C Allstar支持本地音乐既一个做法。👍🏻—一早Book定位，当日去到就可以入座，果到既灯光昏暗，未有live band show气氛已经唔错。一黎已经会比枝水我地饮，睇个样好似都唔平😮枱比较细，去到后来枝水都几阻住。🤣—蓝妹好欣赏个waiter(可能系经理)会问我地对食物既喜好，再同我地介绍唔同菜式既特色，比啲推荐既选择我地。同时亦会建议两个人应该点既份量。❣️呢间野好特别，佢有啲食物系可以叫半份，令到客人可以试到唔同种类既菜式，又唔会食唔哂浪费。👏🏻—正式上菜前，都会送个appetizer。个包好松软，微甜，点少少橄榄油食，唔错。😌—Tomato Juice蓝妹一向好钟意饮蕃茄汁，呢杯好岩我口味，唔会太酸，甜甜地。—Grapefruit Juice呢杯最后男朋友饮唔到，因为太酸啦，但蓝妹仲接受到。😜—Chitarra
男朋友生日，为左比个惊喜佢，揾左好耐晚餐食咩好。
揾左好耐，见到呢间「Spark Bar & Restaurant」评价唔错，蓝妹亦睇中佢逢星期五会有live band show，算系C Allstar支持本地音乐既一个做法。👍🏻
—
一早Book定位，当日去到就可以入座，果到既灯光昏暗，未有live band show气氛已经唔错。
一黎已经会比枝水我地饮，睇个样好似都唔平😮枱比较细，去到后来枝水都几阻住。🤣
—
蓝妹好欣赏个waiter(可能系经理)会问我地对食物既喜好，再同我地介绍唔同菜式既特色，比啲推荐既选择我地。同时亦会建议两个人应该点既份量。❣️呢间野好特别，佢有啲食物系可以叫半份，令到客人可以试到唔同种类既菜式，又唔会食唔哂浪费。👏🏻
—
正式上菜前，都会送个appetizer。个包好松软，微甜，点少少橄榄油食，唔错。😌
—
Tomato Juice蓝妹一向好钟意饮蕃茄汁，呢杯好岩我口味，唔会太酸，甜甜地。
—
Grapefruit Juice呢杯最后男朋友饮唔到，因为太酸啦，但蓝妹仲接受到。😜
—
Chitarra (Blue Crab / Baby Spinach / Shellfish Reduction)呢个Chitarra我地叫左半份。
对于呢道菜式，蓝妹既第一观感系个汁好似好浓郁😍
夹左少少，一入口，冇谂过会咁好食！真系好好食！😱
面条比较粗身，口感刚刚好，相当有咀嚼感。
佢个汁既海鲜味非常浓郁，但毫无腥味。😘
因为面条粗身既关系，每条面条都挂到好多汁，满满既蟹同龙虾汁既味道充斥住口腔，令人食个不停！🥰
—
Lumachine Carbonara (Sea Urchin / Egg Yolk / Chive)呢个都系点左半份。
蓝妹同男朋友都好钟意食卡邦尼，基本上好多餐厅都会有卡邦尼意粉，但做得合格甚至好食既真系唔多。
唔系蓝妹夸张，呢到既Carbonara 系暂时食过最好食既！👏
唔少份量既海胆，中间一只蛋黄，非常简单既配搭，但系已经好够。
呢到比较特别，用左通粉，能够沾上既汁更多。
汁其实唔需要多，能够包住哂每粒通粉已经好正。😬
海胆新鲜美味，就咁食可能会比较浓味，但系同蛋，连通粉一齐捞晕哂，唔会觉得突兀之余，味道亦好出色丰富。😋
Carbonara 食得多通常都好漏，呢个竟然令我地食完仲想再食添，可想言之几高汁！
—
Japanese-Style Poached Black Cod (Creamy Potato / Crispy Fish Skin / Soy Foam)如果觉得前2个菜式比较普通，呢个就一定比到Surprise你啦！😉
主菜系银鳕鱼，伴薯蓉，脆鱼皮同不知名泡沫。
睇个卖相已经好有惊喜，好想快啲食落肚。
原本以为得几旧鱼会唔饱，但食下食下又够㖞。😯
银鳕鱼非常滑嫩，可以话系入口即溶咁济。配埋咸咸地既不知名泡沫去食，令人好满足！🤤
个人认为佢地加左脆鱼皮落去，不但增加左口感，亦令成道菜添加左新意，值得一赞。👍
蓝妹最钟意既系佢既薯蓉，真系唔知佢地落左啲咩去整，个味好食到难以形容。
我地有尝试问经理，但应该系秘方，佢只系笑笑口唔答我地。😈
—
Spark Tiramisu (Chocolate Popping Candy / Frozen Mousses / ?)最后我地食左个甜品，朱古力Mousses，再加左啲朱古力爆炸糖，加左创意分。
味道份量都唔错，不过相比起前3样主菜，就绝对系失色啲嫁啦。😂
—
去到大约10点左右，先会有香港本地既band上枱唱歌，气氛好好啊。唱成点唔系重点，重点系支持香港本地音乐，享受在场既浪漫气氛。🥰
－
呢间野消费一定系好贵嫁啦，但一啲都唔肉痛，因为物超所值。
味道出色，气氛一流，服务优胜。
系呢一餐生日饭里面，蓝妹揾唔到可以弹既地方，绝对会推荐朋友黎呢到庆祝。😜
张贴
