夢見屋 (已結業)

之前见过facebook有人去左chocolate rain x 梦见屋食甜品，睇落好似几得意，所以今日特登去左上环试下。未入门口，真系一d都睇唔出有chocolate rain的影子，因为门口一点装饰都无。入到去都见到chocolate rain的墙纸、挂画同公仔，都算有popup store的感觉。我同朋友都叫左个冻忌廉抺茶，各自再叫左个士多啤梨红豆铜锣烧同抺茶白玉。杯垫都系chocolate rain~靓~冻忌廉抺茶卖相都不错，但杯野真系好q难饮，抺茶好苦，甜味主要靠pat忌廉，搅混左都系唔好味。我饮左三分一真系顶唔顺~放弃!再来是抺茶白玉，同样问题，呢个仲要抺茶超苦，加左落雪糕度一齐食，都系麻麻~最好食都系d白玉~呢个我食左少少，又系放弃~~最后，我食埋个士多啤梨红豆铜锣烧，士多啤梨都算ok~只系再加左士多啤梨酱同cream，真系好甜好腻~但个红豆铜锣烧真系一绝!!又干又硬!!救命!! 我未食过咁难食的铜锣烧.....我明白原来士多啤梨酱同cream系用黎加湿个铜锣烧，如果唔系，都几难入口~我呢个食左一啖就无食~~真心，抺茶甜品都系sweet house cha cha好食好多