心語甜品 (已結業)

周末与朋友在筲箕湾早早食完惹味既晚饭，行到东大街，想食甜品。大概夜晚8点几，东大街依旧热闹，行到两间甜品店，见到新开既心语甜品，排队既人又多，想比次机会佢。等左超过半个钟，终于入到去。见到招牌必食既黄金流沙汤圆。我叫左招牌芒果流沙汤圆，上台感觉系芒果西米露，颜色系实色黄，一入口，好奇怪，系冇香味，得好假、好淡既味，都称唔上系芒果味，唔系食到超级细粒既果肉，根本唔知系芒果糖水。到流沙汤圆，一咬落去，完全唔流心，好失败，皮又厚。仲要个汤系冻，汤圆热，好奇怪，唔配合。👎👎👎朋友食紫薯流沙汤圆，紫薯汤一样得鲜紫色，系冇味既。👎👎👎令一个朋友食最稳阵既芒果豆腐花，一上台好清楚见到系超级市场即买即食既盒装豆腐花！😱连豆腐花水都唔隔，水汪汪😱。上面得小小芒果酱，依然冇芒果味。👎👎👎冇诚意，冇水准