正和軒 - 同仁四季

营业中

休息中

由于妈妈好钟意饮茶，我成日都想带她尝试不同的酒楼，刚巧见到荃湾中染大厦有间装修几特别的酒楼，所以就决定去试下。首先店内的灯光就比较暗，座位都ok好坐既。但饮茶最重要既水滚就做唔到，冲左几次茶d水都系唔热既，好可惜！我地点了4碟点心，有金黄流沙包、炸鲜奶、麻辣烧卖同酥炸多春鱼。流沙包，咁多碟点心，系得呢款系热辣辣送上，所以都ok既。炸鲜奶，完全唔热，味道普普通通。双拼麻辣烧卖，有两粒正常烧卖+两粒麻辣，麻辣个款系几好食同几特别，因为无系其他酒楼见过同食过，至于正常个款就正正常常，唔特别好食，亦都唔系难食。酥炸多春鱼，d鱼腥腥地，同埋碟野唔够热。服务方面系有d麻麻地，我地交点心纸比其中一个女侍应，因为她一收下点心纸就走去执枱，所以我地一直留意住究竟几时先将我地张点心纸拎去入单，结果见到她执左两张枱，再帮两枱客加埋水先走去入单，成件事纠缠左10几20分钟先见她将张单交比其他人入单，希望员工方面可以留意下这一点。咁靓咁新式装修既酒楼，但配上唔多好食既食物质素同麻麻地既服务态度真系非常可惜。