Wanna Eat

营业中

休息中

几年前帮衬过呢间餐厅，觉得OK，于是今日路过，就决定再帮衬。不过今日之后，一定唔会再帮衬。我哋order咗三个晚餐，其中两个系pasta， order嘅时候已经千叮万嘱因为小朋友食想整淋啲，不过上枱之后，pasta嘅长通粉同意粉直程系唔熟，中间个心仍然是硬的，到底系咪厨师Get错我意思，整咗相反出嚟？味道亦都只能够讲是难食，最后成碟粉冇食过。另外晚餐加$20会有餐汤，但系好难想像一间西餐厅，餐汤竟然是中式例汤，所谓椰菜烟肉汤，出嚟的只是一碗茶餐厅例汤般，味道差，份量少，卖相亦好差，早知悭返$20 。另外叫咗羊扒，羊扒普普通通，已经是全餐最正常的一种食物，伴碟嘅薯条，好明显系返炸再返炸，颜色比薯仔皮更深色。最后埋单四百几，但系都唔知自己食咗啲乜嘢，因为味道难食，我哋食剩左好多食物，呢一餐简直浪费金钱，浪费食物。