牛市 (已易手)

见到媒体报道就去试吓，未坐低入到去间舖头已经闻到好大浸牛肉味，佢唔系好香嘅牛肉味，而系一浸臭臭地嘅牛肉味，然后坐低发觉地板好「立」枱面好油，望一望个餐牌一碗牛腩河要成$60（咁老实讲好唔好味又唔一定系睇个价钱嘅，平同贵都有嘢好食同唔好食嘅。）我去当日佢话乜嘢崩沙腩，咩特别嘢都卖晒，咁我就唯有叫碗普通嘅牛腩河，我见到啲牛腩嘅卖相我就心知不妙，首先见到啲牛腩肉有两节色，同一旧肉有粉红色仲有少少黑色，咁我以为佢系新鲜腩肉，一啖咬落去，佢嘅质感好似一啲咸猪手经过处理过嘅肉咁，好干好硬，我再饮一啖啲汤，冇牛肉味又咸，碗野跟埋嘅𠮶几旧萝卜，冇味。跟住我就望下佢店入上面写住嘅字，佢大概系话自己放弃高薪厚职，又话自己好钟意食牛腩，最后我见到佢自称素人⋯⋯睇返佢响媒体报道讲嘅说话：「我敢说这店全部用最优质的食材，所有来货我全部都食过、试过最好的才采用，就算是牛丸、鱼蛋，也尽量是香港制造。如牛腩便是向提供全香港最靓牛肉的名店牛皇莫取货，包括爽腩、 崩沙腩及牛坑腩等新鲜骟牯牛腩。老板不是人人都肯卖货，我都是经朋友介绍引荐、对方认同我的创业理念才取到靓货。」唔知系咪因为我叫咗普通嘅牛腩所以系咁嘅质素，但系我想