Cafe Aboong HK (已結業)

成日经过广华街见到呢个鲷鱼烧雪糕好hit, 终于上星期有一日见到店外冇乜人就去买。点咗吉士味$32，因为系即做既关系，之后都等咗15分钟。 非常之满心期待，可惜极之失望， 铺头只系用一张超薄既纸包住个鲷鱼烧，超级辣手，我顶ng顺即刻叫男朋友帮我拎一拎， 点解d员工完全唔提一提d客人个鲷鱼烧系好热既呢？！第一口食落去只系非常普通既frozen yoghurt，食左四分一之后，个frozen yoghurt成个跌左落地，原来个frozen yoghurt只系吱喺个鲷鱼烧个顶层，啲员工又冇提下啲客人，算啦，拿拿临食埋佢，𠮶支吱满朱古力既棒原来系劲甜车厘子，omg, 一啲都唔好食，只感到系罐头糖水车厘子，食到呢度已经完全冇晒mood, 最后快快食埋个鲷鱼烧，非常普通，完全enjoy唔到，只觉$32完全浪费咗！