凱柏冰室 (已結業)

今日约咗朋友去荃湾西嘅海之恋度行，𠮶度商场好靓，行出去仲系海边，行完之后我哋拣咗呢间冰室食晚饭。就咁睇个餐牌都觉得食物几吸引，咁我哋就嗌左一个咖喱牛腩煲，佢送白饭一个，另外嗌左个铁板烧，拣左西冷牛扒同香烤鸡扒配薯菜同黑椒汁，本身会送埋肠仔火腿粟米薯条。先黎铁板烧，薯条劲香脆，好似扭扭薯条咁，超好食。黑椒汁唔会好辣但都好重黑椒味，牛扒睇落整到好熟，但食落唔会”韧”，不过都有d筋。鸡扒都几嫩滑，好容易就撕开左佢哋。之后到咖喱牛腩，个咖喱汁带点微辣， 牛腩劲大嚿，薯仔同牛腩都劲淋，真系好好食。饮品+3有冻饮，我哋嗌左冻朱古力同埋冻阿华田，两杯都冇得顶，尤其冻朱古力，劲浓滑，钟意饮嘅朋友都一定要饮佢。成间冰室装修得好靓好大，卡位几舒适，整体感觉都唔错，可能因为嗌咗两个都好满意既食物，下次一定会再嚟。