CHIMAC (天星碼頭)

营业中

休息中

最近去咗中环码头海傍嘅Chimac。呢间餐厅主打韩式炸鸡同埋小食，气氛休闲又有少少韩国街头小店嘅感觉。我哋叫咗甜辣炸鸡6件，韩式炒年糕，鱼糕串同炸薯条。甜辣炸鸡真系几正，鸡件炸得金黄香脆，鸡肉唔会过干，仲保持到嫩滑，满布甜辣酱汁，酸甜微辣啱啱好，唔会太腻，。韩式炒年糕口感烟韧，虽然无鱼糕系入面不过都好满足，有十几条。至于鱼糕系新鲜弹牙，系几好嘅小食选择。炸薯条炸得香脆，合格有余。整体嚟讲，Chimac嘅炸鸡系亮点，值得一试如果钟意韩国炸鸡嘅朋友，呢度系唔错嘅选择，人均约$100都唔洗，食完自己收返个盘都几自助。