MOO MOO Plus (百德新街) (已結業)

今日同朋友出铜锣湾揾嘢食，次次夜晚行过呢间餐厅出面都座满人，今日我地未够一点经过，唔洗等位，咁就入去试一试啦。要左个combo for 2, 所有嘢份量都几大，食到劲饱！是日餐汤蘑菇汤，蘑菇味好香浓！如果唔想饮蘑菇汤仲可以加钱升级做龙虾汤。牛油果柚子沙律大大份，沙律菜同牛油果都好新鲜，食完好开胃。MM+ 黄金蟹饼炸得好香脆好干身，切开左蟹味即刻冲出嚟，入面，满满嘅蟹肉, 再加埋wasabi蛋黄酱，食到唔停口。卡邦尼扁意大利面卖相已经好靓，舖满芝士碎，食落仲好香浓，再加埋Parma ham, 味道更丰富。西班牙黑毛猪肩肉配无花果酱黑毛猪肉香嫩滑，配埋无花果酱有意想不到嘅清新，值得一试。