海南雞公主 (已結業)

屋企附近最近开左间食海南鸡嘅餐厅，门口浅蓝色，大大个公主logo，够晒抢眼，今日妈妈话唔煮饭买外卖，所以一于落街买个外卖试下先。餐厅虽然都有几个位，但大部人都以外卖为主。食物选择唔系话好多，得5个选择，不过个人认为选择唔需要话好多，最紧要精！餐厅叫得海南鸡公主，当然要拣番个公主海南鸡饭，酱汁方面可以3选2，我就拣左个特色面豉酱同海南鸡酱。另外，有3种饭可以拣：分别系金黄鸡油饭、泰国练苗饭同埋健康五谷饭，虽然鸡油饭会肥啲，不过食海南鸡无理由唔跟鸡油饭架嘛，一于肥完先再减啦！另外，跟餐仲有沙律同甜品添。 如果加$10仲有个汤或者饮品，加$15仲有泰式特饮添。除咗叫左个公主海南鸡之外，仲叫咗个红咖哩牛坑腩饭~个饭以便当型式咁pack好， 仲有张靓靓公主封条贴好，保证唔怕会漏汁。红咖哩牛坑腩饭有前菜柚子沙律，食落好清新，蔬菜新鲜爽口，牛坑腩又稔又入味，相信煮左好多个钟，香浓嘅咖喱汁完全渗透晒入牛腩度，咖喱汁有椰香味，但又唔会太辣，绝对系大人细路都接受到嘅辣度。啲汁送饭真系一流！食完饭仲有个玫瑰水晶晶做甜品，外表精莹剔透，淡淡的玫瑰花香味🌷，口感有啲似大菜糕。公主海南鸡饭一样咁，鸡件都算几多，每