阿閒泰 (世貿中心)

营业中

休息中

环境5分：西式餐厅格局，楼面好高，地方大，四周围有好多只白兔同绿叶盆栽，好有大自然感觉，有一边可以望住无敌大维港景，可以畀满分。卫生5分：地方干净企理，光鲜卫生，一样畀满分。服务5分： 全部年轻侍应生做野快手，服务都可以畀满分。味道4分：1)    泰馆无骨海南鸡配鸡油饭份量好足，有齐黑肉同白肉，D海南鸡皮一条毛都冇，好光滑，个泰式辣汁非常嘢味，油饭姜味唔会太重又唔会好油。送果杯泰式香叶肉碎磨菇沙律Ｄ菜好新鲜，配埋泰式肉碎冬菇丝少少辣好嘢味。加五蚊要左杯冻泰式季节茶少少甜，带有生果味好清新。2)    泰式单骨鸡翼配自家制泰式酱有三只开半单骨鸡翼，即系共有六旧，好香脆。3)    暹罗芽菜有自身嘅田园风味，爽爽地好新鲜。4)    两只泰式生虾刺身非常爽脆，浸响个泰式辣汁入面所以入哂味，食完先知超辣。抵食5分：每人平均百几蚊一个午餐，有鸡，有汤，有沙律，有菜，有虾刺身，有鸡翼，真系好抵食。