芽籠

营业中

休息中

环境4分：细细间新加坡餐厅好光猛，入面装修得到几骨子，午市坐满学生哥，好难会排到卡位，可以畀四分。卫生5分：地方企理，通入厨房条通道一样咁干净，卫生满分。服务5分：服务员爽手唔啰唆，落单上菜够快脆，一样满分。味道3分：海南鸡配鸡油香饭中间碟海南鸡起码唔肥，畀得够调味酱，要扣分因为鸡肉轻微韧韧地，个油饭唔够油，个排骨汤有大大旧排骨但个味道唔够浓，顶尽畀三分。手工拉茶热就够热，不过冇乜茶香。抵食3分：八十几蚊个午餐有够份量嘅鸡肉，大大碗油饭同排骨汤，够饱肚，湾仔区算正常价。