大哥雞飯去骨海南雞 (愛定商場(H.A.N.D.S) N區)

营业中

休息中

海南鸡饭系我嘅至爱，屯门安定邨H.A.N.D.S商场地下开咗间大哥鸡饭，扫二维码自助落单好方便，店员极力推介我食招牌菜海南鸡。每个餐都会包一碗例汤，真材实料绝对冇味精靓汤，每个餐仲可以加钱配一份小食。招牌海南鸡饭$62鸡肉鲜嫩不肥不瘦啖啖肉，连平时我唔食鸡皮都忍唔住食埋，再配搭油饭真的令人回味，三款独特酱汁好重要，增加鸡肉层次感～炭烧猪颈肉饭$62猪颈肉烧得好香肥瘦均匀，配油饭食一流，我仲加咗星洲吉列虾（3只）$22海南鸡喇沙参参$75喇沙参参汤底有浓郁椰浆味，有一只温泉蛋、豆卜，地道喇沙酱做汤特别惹味，另加$22新加坡剁椒无骨凤爪，少少辣够醒神。