海南雞專門店

营业中

休息中

海南鸡专门店系太安楼其中一间人气店，每次嚟到门外总系排咗一条人龙。见到人哋碗海南鸡饭好似唔错，馋嘴嘅心又被挑起咗。呢次我哋买咗海南鸡饭同海南鸡髀饭，分别在于鸡髀比较多肉，就咁睇好似最少多接近一半。鸡肉已经去骨，啖啖肉食得更加方便。肉质稍薄唔厚冇肥膏，食落皮脆肉嫩滑，口感满意。油饭粒粒分明，配上姜蓉、甜豉油同辣酱一齐食就仲浓郁惹味，当中仲有少少切条青瓜。随鸡饭仲有杯冬瓜汤，入面有唔少冬瓜肉，食完鸡饭之后饮都几消滞。鸡饭嘅表现好出色又唔算，份量对女仔嚟讲适中，男仔单食一份就可能偏少，不过以廿几至三十几蚊嚟讲水准合格有余，加上流量大，食物几乎系啱啱煮好就卖，除非本质太差，如果唔系要唔好食都难。