金記冰室 (已結業)

今日又来到金记食饭，以一间连锁式嘅冰室来讲，佢都算系做得几有质素，而且价钱唔算贵，所以我都成日嚟帮衬。今日出咗成日show，企到好攰，真系要食返个好嘅晚餐补充下体力先得。今日就叫咗个金记嘅海南鸡套餐试一试佢，$62合理价值，可惜黎得比较晏，油饭已经卖晒，只好转做炒饭。鸡肉嚟到都几大份，已经去咗骨，白雪雪鸡肉，厚肉得黎唔会话硬，亦无乜肥膏，抵赞！酱汁有黑豉油同姜蓉，呢度个姜蓉比较特别，加咗沙姜，食落咸咸地，更滋味。虽然无油饭，蛋饭都炒得几香，好味道。总括而言，金记真系一间性价比高嘅连锁式冰室，就黎成为我嘅饭堂啦。