益記小館

营业中

休息中

朋友仔今次特登嚟中环揾我食lunch，揾左几间餐厅俾我拣，我一见到呢间系食海南鸡饭，即刻决定要食呢间。朋友仔话呢间好出名，平时会排晒长龙，所以我哋今次一放lunch就极速跑去拎位。海南鸡饭lunch set由＄98起。因为我自知自己食量比较细，所以我只系拣咗普通海南鸡饭lunch set，而朋友仔就拣咗海南鸡饭加喇沙汤面lunch set。佢呢度海南鸡同好多铺头一样，跟三个汁，我自己prefer佢个豉油汁，忍唔住狂点。佢个油饭都好值得一赞，唔会太淋，亦都唔会太油，味道啱啱好。佢啲鸡唔系我食过咁多海南鸡中最滑嘅一间，但系都算中上。另外偷偷地试左朋友嘅喇沙汤，佢个喇沙汤椰汁味好重，好香，只系微微辣，我呢啲咁食唔到辣嘅人都绝对可以接受到。Lunch set 跟冬瓜鸡汤同饮品，我哋拣咗薏米水。可能因为真系太出名，太多人排队，我都未食完，个侍应已经急住要收起我啲野。要叫住佢先放返低碗汤俾我。食完之后急急脚快啲还返张枱比佢哋。如果你唔介意好赶咁食个lunch，呢度都可以一试。