南亞餐廳1964 (已結業)

南亚餐厅1964今日同朋友一齐去尖沙咀，亚士厘道有好多特色餐厅，我哋首先放工就去咗happy hour，跟住朋友提议食星马菜，因为朋友想食海南鸡饭呢。，一般星马餐厅一定有呢道菜呢。餐厅门口嘅半露天地方都好吸引，好适合饮嘢，可惜我哋已经happy hour。星洲炒米的质素比起一般茶餐厅较佳，用料丰富，有size都几大既鲜虾仁，而且已经去掉虾肠，味道惹味！咖喱角即叫即炸，上枱时热辣辣，用叉一吉落去既时候，外皮即刻裂开同弹出黎，入面系充满猪咖喱薯蓉嘅馅料，在点上热辣辣嘅咖哩汁，超好味！半只嘅海南鸡，分量真系大得夸张，嫩滑的鸡肉蘸些特制的辣椒酱拌著吃，真系好好味啊。古法系用冰水浸鸡法，令皮滑肉嫩。不过而家已经好少餐厅会用呢个方法啦。另一个重点系个油饭，每一粒饭粒粒发光，非常吸引。传统系用鸡汤泡制的，不过一般嘅餐厅售卖的海南鸡饭，只是油盐饭而已，毫无鸡味可言，如果可以系屋企自己做，就一定落足材料。话虽如此，呢度嘅油饭都算唔错。