Foodeli (形點 I)

营业中

休息中

元朗大商场Yoho mall形点一期，入面有个几隐秘既food court，之前都听朋友讲开。首先要行到去中庭Zara对出一条电梯上去，就有food court啦！叫Food deli.环境几阔落，可能大西北地大，比一般既food court算大。食过几次，黎既话，最好避开礼拜六／日中午或晚饭时间，较多人。平时就坐得几松动。天气好仲可以坐去出面露天座位，唔算嘈，望住博爱那边的马路。呢个foodcourt本人试过唔同菜式，但首推一定系泰莱厨房既海南鸡饭！！$50蚊左右。无骨系基本既，食过几次都无中伏。鸡肉非常嫩滑、惹味，唔会好似出面一般餐厅咁老咁鞋。饭仲要粒粒沾满油香，粒粒金黄，连平时不喜欢吃饭的我也每次成碟成晒，一粒不剩。佢既泰式辣汁绝对系画龙点睛，唔食得辣既都食得落。怕辣的话可以加几蚊嗌埋佢杯青柠梳打。不过佢送既碗胡椒汤个人就麻麻啦，太咸，不了。