檳城風味 (已結業)

星期六喺鲗鱼涌揾嘢食会发脾气，好多都唔开，行吓行吓发现呢间几吸引，走入嚟试吓。好简单嘅一间小店，老婆落单，老公负责预备食物，四围都系高台，可以立食或外卖。四边嘅墙印咗槟城嘅特色建筑及壁画，谂起旧年喺槟城，好热好热... 如果𠮶度都好似呢度咁，抬头就有两部大冷气吹住自己....海南鸡饭 ($55)骤眼睇，咁少鸡嘅？但原来分两层放，上面嘅系鸡连皮嘅脾肉，下层系鸡胸肉；豉油、姜蓉另上，系真系全姜但唔辣，不过太细，要问老板娘再攞多一份！鸡油饭粒粒分明，捞埋姜蓉食当然系不得了啦！鸡肉都几嫩滑，不过鸡味欠奉，唔紧要啦，$55包埋汤及饮品真系好抵食马拉盏鸡翼 (3只$24)3只即炸嘅鸡翼，摆咗一阵都仲好热！层皮非常松脆，咬开虽然肉质唔算鲜嫩，但好juicy，香口惹味！例汤今日系西洋菜鸡汤，有一堆西洋菜食，清甜润喉冇味精薏米水虽然薏米份量够多，但系偏甜以呢个价钱嚟讲，食物质素都不错，值得一试！