Mee...lemongrass (已結業)

我又黎馬鞍山搵食啦，食飯時間多人，行行下見到呢間門面好大，未算好多人，加上新開就試下啦。個名有海南雞飯，我諗一定係最好食， 一定要食，雞好嫩滑，有雞味，雞油飯有蔥香，雞湯清甜唔油膩，醬汁有兩款，醬油靚帶出鮮味，另一款汁酸辣好醒胃，加上菜心，營養更平均啦。馬來蔗蝦炸得大件仲好脆口，啖啖都蝦肉真係好滿足，醬汁似泰式雞醬，加埋米粉食無咁熱氣。MEE...脆香雞翼沙律，雞翼外脆內軟，沙律酸辣夠開胃。香芒椰汁糯米飯 糯米好軟糯韌，芒果夠甜，正。