天天海南雞飯 (新城市廣場三期)

营业中

休息中

沙田新城市广场三期真系好多嘢食，而今次我同老公好想食海南鸡饭，所以就拣咗呢间长期排队嘅天天海南鸡，之前已经听过朋友介绍几好食，今次特登过嚟试一试。黎到呢度梗系食个招牌海南鸡饭啦，仲要一定系转油饭，白饭梗系冇咗呢个嘅精髓，所以识食一定要食油饭，就算几肥都一定要食！呢度真系坐得几舒服，有多卡位，又唔会好逼夹，舒舒服服坐低食野！特别一赞嘅系佢哋嘅茶好好饮，好香，出边好少何有得饮呢个茶味，所以都忍唔住嘅职员添咗一壶热水俾我！跟住仲叫咗个椰菜煲，都几特别几好食，仲要大大煲，食咗海南鸡有少少油腻嘅感觉，食返个菜即刻平衡返。仲有呢度职员嘅服务态度都几好，会介绍菜式俾我哋选择，等我哋呢啲选择困难症嘅人可以快啲拣到嘢食甜品。