海南雞專門店

营业中

休息中

叫咗碟海南鸡脾饭$48（普通海南鸡饭$35），份量正常，另外可加鸡膶或鸡肾（$5半份或$10一份），叫咗一份鸡膶，大概有6至7件同两粒鸡心。买完可以过对面舖坐低食，酱汁有杰食甜酱油，唔算太甜，好食；仲有橙色酸汁，味道普通，同埋有姜蓉，配鸡膶食可减腻。总括而言，海南鸡饭鸡肉滑皮香，饭偏干身，整体质素唔错但唔算惊喜；反而鸡膶起沙极软滑极香，火候刚好，极之推介！另外值得一提系随海南鸡饭附送ge冬瓜粒汤，味道其实唔唔突出，但系食完鸡膶同油饭解腻一流！眼见有部分食客会单点鸡肾，可能都会有惊喜！店内亦有饮品供选购如桔仔冰等，虽然人龙唔短，但店员快手快脚，等候时间算合理！