影片
更多
2009-05-07
14 浏览
帮衬过好多次了, 味道唔系话十分十分好, 但我觉得的确系水准之上! (尤其系以价钱计)哩间小店主打系海南鸡饭, $35 连碗汤. 先讲个饭, 唔算十分香, 饭粒硬硬地, 但就唔会觉得好油, 都算唔错. 至于o的鸡, 去哂骨又系够哂滑, 泰国人海南鸡/泰妃鸡/好时沙嗲o个o的真系被比下去了. 不过其实我最钟意系个酱(虽然樽酱都系成支咁买番来), 但用来点鸡同饭真系好正! 最后系个汤, 好耐之前, 个汤真系咸到飞起! 不过可能之前有人同佢地反映过, 所以而家正常o左好多, 但其实都系一碗味精水.($35 o既套餐亦唔能够要求咁多)除o左海南鸡饭, 我亦好钟意食佢地o既"泰式凤爪沙律", 哩个就比较少人提(我食亲都冇见有人点). 酸辣o既凤爪加上菜, 蕃茄同生洋葱, 我个人真系觉得好好食! 盛惠$35.另外猪脾同虾饼都系水准之作, 但o的咖喱就麻麻地. 环境方面, 地方真系比较浅窄. 尤其系晏昼午饭时段, 真系坐得好迫. 不过为o左食碟鸡饭, 都ok 啦, 又或者夜晚放工先去食啰, 因为夜晚冇乜人, 始终佢唔系开o系大街. 卫生就一般啦, 可以接受(不过冇厕所, 佢地将个厕所变o左store
哩间小店主打系海南鸡饭, $35 连碗汤. 先讲个饭, 唔算十分香, 饭粒硬硬地, 但就唔会觉得好油, 都算唔错. 至于o的鸡, 去哂骨又系够哂滑, 泰国人海南鸡/泰妃鸡/好时沙嗲o个o的真系被比下去了. 不过其实我最钟意系个酱(虽然樽酱都系成支咁买番来), 但用来点鸡同饭真系好正! 最后系个汤, 好耐之前, 个汤真系咸到飞起! 不过可能之前有人同佢地反映过, 所以而家正常o左好多, 但其实都系一碗味精水.($35 o既套餐亦唔能够要求咁多)
除o左海南鸡饭, 我亦好钟意食佢地o既"泰式凤爪沙律", 哩个就比较少人提(我食亲都冇见有人点). 酸辣o既凤爪加上菜, 蕃茄同生洋葱, 我个人真系觉得好好食! 盛惠$35.
另外猪脾同虾饼都系水准之作, 但o的咖喱就麻麻地.
环境方面, 地方真系比较浅窄. 尤其系晏昼午饭时段, 真系坐得好迫. 不过为o左食碟鸡饭, 都ok 啦, 又或者夜晚放工先去食啰, 因为夜晚冇乜人, 始终佢唔系开o系大街. 卫生就一般啦, 可以接受(不过冇厕所, 佢地将个厕所变o左store room!). 服务我觉得系几好呀, 都可以同o的阿姐倾下计, 态度都ok 呀.
其实哩间小店o既味道唔知系咪算比较正宗哩? 因为入便o的店员大部分都真系泰国人, 冇o野做就会o系度睇泰国报纸, 个电视又播住o的泰文节目!
(btw, 之前o系曼谷旅行跟o的人介绍话去食水门鸡饭... 我觉得哩间泰好食仲好食啰~~~)
张贴