莎巴馬來西亞餐廳 (已搬遷) 新店位置

lunch 曾经为o左揾食，由公司行o左超过九条街去沙巴朝圣。结果无令我失望，我食到滑滑海南鸡饭啦！虽然个草菇餐汤一睇就知落o左o吾少豆粉，但系$48 街坊价连野饮同甜品，净系旧滑鸡同香饭都好似识发光咁，我巳经觉得头上多o左个光环。正当我呢个虔诚o既海南鸡饭徒体验紧神迹时，未饮完o既草菇餐汤吸引o左超过六个侍应想拎走...就连隔离台o既咖哩牛肉都o吾放过！唯有讲句Ｄ侍应真系好鬼死勤力啦！由于中午叫其他o野要加一，海鲜喇沙留番中秋夜再试。