海南雞公主 (已結業)

夜晚放工之后七点半黎到，本身谂住系度堂食，但系见铺位唔大，应该主打外卖服务🥡加上餐厅收八点，费事阻人收工，就决定买返屋企慢慢食😳👁‍🗨 公主海南鸡饭💲62酱汁系从特色面豉酱、海南鸡酱、姜葱酱中三拣二，海南鸡酱系泰式酸甜酱，姜葱酱就系平时点鸡𠮶种🤓一开盒已经好香喷喷，由泰式沙律食起，有充满鱼露味既切丝木瓜同红萝卜，感觉开胃🥗海南鸡好彩地系鸡肶位，已经去左骨兼夹颇为厚肉，食落有鸡味得黎肉质嫩滑，拣配黄金鸡油饭，出到黎唔会太油腻，不过鸡油既油香可以再香浓啲😛仲有个椰汁糕做饭后甜品，食落椰汁味突出，甜度亦都适中，整体都唔错😍🔛 整体评分（7.5/10）