博多拉麵別天神 (已結業)

想系香港食间有水准嘅拉面，话易唔易，话难唔难。今日食博多拉面别天神拉面系由日本过黎，虽然我冇系日本食过，但系起咁大个朵紧系要试下。间铺装修得好有日本风味，门口嘅食券机。一排bar枱对住厨房，有齐自助嘅冰水同茶，调味料，完全系日式拉面店嘅格局。豚骨汤面系白色嘅汤底，汤底味道浓厚有层次。 拉面长幼细，面条柔软容易将汤汁挂在面上，好味之余又好啜。溏心蛋一开二，蛋黄仍然好流心。 叉烧肥瘦均称，厚度适中，浸埋汤水食十分美味。 除此之外，配料葱花同木耳份量十足。 虾味噌拉面感觉大致上一样，不过用左虾米同粟米代替云耳，令到个汤底有少少甜，虽然佢叫虾味噌，但系饮过我觉得有少少龙虾汤嘅味，十分惊喜。饺子有四只，个皮厚度啱啱好，煎到少少脆，再蘸埋饺子酱食，非常可口。小龙虾沙律附上几片紫菜，可以卷住嘅沙律食，几有创意，而且个沙律仲好鲜甜，好开胃。依家间铺做紧周年纪念，做齐指定动作就会送有logo 嘅毛巾，临走个店员仲送左个有佢地logo rfid 卡套俾我地，所以大家趁派晒前快啲去食下啦！