秋香 (黃金海岸商場) (已結業)

平时去黄金海岸沙滩就多，食嘢好似真系第一次，喺岸边梗系拣番间舒服chill啲嘅餐厅试吓装修好特别，仲有个打卡位如果钟意饮酒，呢度有好多唔同嘅特色酒同埋饮品，可以一试Lunch set好抵食，仲有唔同前菜味噌汤味道浓厚，咸度适中，入边加咗海带，令到层次更加丰富枝豆超抵食好大碟，放入口外壳有一浸淡淡嘅咸味，豆软硬度啱啱好，有啲咬口又唔会话太软，食得多都唔会济蒲烧鳗鱼煲仔饭超惊喜，一大个煲上，鳗鱼有两大条，裹满咗烧汁，滑蛋炒得好滑身，唔会话太熟煲底真系有一层饭焦，咬落好香口，好有饭香味寿喜烧生牛肉千葛丝配乌冬牛肉铺满面，而且肥瘦比例啱啱好，牛味十足。寿喜烧偏甜口味，就算唔配乌冬，有原本嘅千葛丝已经好足料，千葛丝系比较粗身少少，食落弹牙又索满晒汤汁日式吉列广岛蚝每只都大大只，而且佢炸粉都唔系话好重，加埋沙律酱，一咬系有少少蚝汁流咗出嚟，食到到鲜甜味，又有沙律酱嘅酸甜可口黎明来到杯嘢饮好睇又好饮，橙汁加咗少少菠萝汁，捞埋一齐感觉好清新