影片
更多
2022-09-04
893 浏览
女朋友喺booking site book完，配料有85折，上次同佢食完椰子鸡任食，佢食完见到椰子鸡想再食，但今次真系埋单有啲失望。虽然上一间喺大埔食，呢一间喺旺角，但系上一间可能真系太抵食，二百几一个人又有鸡又有大虾又有肥牛又有猪，其实净系食鸡两个人食觉得好饱。椰子鸡所谓有对比有伤害，上次经验令我觉得其实椰子鸡系好平既野，无咩成本，啲鸡啲牛肉好似唔使钱咁，果次俾左超多我地两个人食。但系呢间既份量真心偏少，有啲评论都讲得无错，呢间所谓半只鸡好似BB鸡咁，只有上次果间一半咁多。有评论话鸡肉鞋，我都觉得唔够之前果间滑，但系我相信系焗佢既时间耐左影响，上一间可能个侍应拿捏个时间好，第一转既鸡系算滑既，之后都系有啲鞋。呢间我相信都未必系鸡既问题。三并饺子其实鸡我都未至于令我不愉快，最失望系99蚊既三并饺子，三并系每样得两粒，姐系我两个人叫先啱啱好够每人一粒。坦白讲，饺子系几好食，都好大粒，但系一粒85折后再加一，姐系成15蚊一粒就真系睇到上枱果刻有啲嬲。杂菜杂菜78蚊既份量都好少，啲蛙蛙菜拆开左，事实上应该都未必有超巿买既一包三粒既一粒，因为人地一粒系饱满既。油麦菜折开两三折，入边等于应该只有
椰子鸡
所谓有对比有伤害，上次经验令我觉得其实椰子鸡系好平既野，无咩成本，啲鸡啲牛肉好似唔使钱咁，果次俾左超多我地两个人食。但系呢间既份量真心偏少，有啲评论都讲得无错，呢间所谓半只鸡好似BB鸡咁，只有上次果间一半咁多。有评论话鸡肉鞋，我都觉得唔够之前果间滑，但系我相信系焗佢既时间耐左影响，上一间可能个侍应拿捏个时间好，第一转既鸡系算滑既，之后都系有啲鞋。呢间我相信都未必系鸡既问题。
三并饺子
其实鸡我都未至于令我不愉快，最失望系99蚊既三并饺子，三并系每样得两粒，姐系我两个人叫先啱啱好够每人一粒。坦白讲，饺子系几好食，都好大粒，但系一粒85折后再加一，姐系成15蚊一粒就真系睇到上枱果刻有啲嬲。
杂菜
杂菜78蚊既份量都好少，啲蛙蛙菜拆开左，事实上应该都未必有超巿买既一包三粒既一粒，因为人地一粒系饱满既。油麦菜折开两三折，入边等于应该只有两三片折开咁少，系真系感觉好辜寒。
乌冬
叫埋个乌冬，本身心念出前一丁22蚊，好似稻庭乌冬26蚊应该饱啲㖞。点知上枱果饼乌冬个size重细过一饼出前一丁，就后悔了，两个人食都分唔到半碗乌冬。
海鲜并盘288
有鲍鱼，海虾，带子等，全部都属于几鲜甜，虽然份量一样唔多，不过海鲜黎讲都正常价既。
本身都未必想上黎吐嘈，但系我觉得食物质素几好，但系所有野俾人一种辜寒既感觉，真心对于食客唔好受，对于食店都唔系公平既评价。其实好多火锅店对于佢既撚手手功丸/饺都份量偏少，但系起码啲菜同面食系有正常CP值的，毕竟都系啲好平既料。我觉得佢每样野系海底捞半份既份量，但系人地海底捞香港版都真系半份既价钱。几好食都食到顶心顶肺。
ps. 虽然值得一赞系侍应都好热心讲野教你点煮，都系我其中一个唔太觉得差既原因。
张贴
