影片
更多
2023-04-04
45 浏览
今日到尖沙咀出job，夜晚想食burger, 同事话带我去间好出名，之前拎奖既。咁啱出完粮，就食间正嘢啦。原来呢间Honbo系拎过Bloomberg全球最佳汉堡。入到去餐厅，环境都十分之好，对住成个海，感觉一流。Double Cheese Burger 双层芝士汉堡上枱超巨型，打咭好靓。由于太大个，我哋樱桃小嘴要保持仪态，所以用刀叉切一切。面包系搽咗牛油烘到外面香脆，咬落非常松软，两块汉堡扒好厚，煎得好香，大概5成熟，好juicy ，juicy得来又唔会太硬，又唔会散开晒，呢样好难得 。芝士半溶，而且系两块，非常邪恶，连同洋葱、生菜、酸瓜一齐咬入口，好好味。The Gold Standard 汉堡同双层芝士汉堡唯一唔同系多咗烟肉，呢个包加倍邪恶。我切开之后，见d烟肉都唔少，煎到金黄香脆香喷喷，成个包好香口。Chili Fries 辣椒薯条薯条系幼身果只，上面铺满辣椒肉酱，系墨西哥风味， 入边仲混入咗红腰豆。咁都未够，上边仲要有满满嘅芝士，超吸引。薯条食落唔会太油，炸得好脆，d肉酱好足，唔会太辣，调配得唔错，呢个薯条超饱肚。Buffalo Wings 水牛城鸡翼调味方面绝对做得好好，够酸
原来呢间Honbo系拎过Bloomberg全球最佳汉堡。入到去餐厅，环境都十分之好，对住成个海，感觉一流。
Double Cheese Burger 双层芝士汉堡
上枱超巨型，打咭好靓。由于太大个，我哋樱桃小嘴要保持仪态，所以用刀叉切一切。面包系搽咗牛油烘到外面香脆，咬落非常松软，两块汉堡扒好厚，煎得好香，大概5成熟，好juicy ，juicy得来又唔会太硬，又唔会散开晒，呢样好难得 。芝士半溶，而且系两块，非常邪恶，连同洋葱、生菜、酸瓜一齐咬入口，好好味。
The Gold Standard 汉堡
同双层芝士汉堡唯一唔同系多咗烟肉，呢个包加倍邪恶。我切开之后，见d烟肉都唔少，煎到金黄香脆香喷喷，成个包好香口。
Chili Fries 辣椒薯条
薯条系幼身果只，上面铺满辣椒肉酱，系墨西哥风味， 入边仲混入咗红腰豆。咁都未够，上边仲要有满满嘅芝士，超吸引。薯条食落唔会太油，炸得好脆，d肉酱好足，唔会太辣，调配得唔错，呢个薯条超饱肚。
Buffalo Wings 水牛城鸡翼
调味方面绝对做得好好，够酸辣，上面加d忌廉方便唔太食得太辣既我，鸡翼烹调到刚刚熟，皮脆肉嫩d肉唔会嚡。
饮品大家都点lemonade，不过其中一杯系ginger lemonade，都好大杯，饮落微酸，好refreshing , 价钱都合理，用嚟清下d辣味同油腻感刚刚好。
整体上食物质素、环境卫生、海景同出餐时间都十分之满意，今晚食得好满足。
张贴
