港滙軒

营业中

休息中

今晚约朋友尖沙咀聚会，朋友book咗iSquare 中式酒楼。一入去见到朋友book咗张海景view嘅枱，有180度海景…正👍椒盐豆腐，基本上冇走鸡，外脆内滑，不过我觉得细粒咗少少。烧腩仔，呢个系全瘦烧腩仔，少咗啲肥唔够均匀，不过啲味道算几好。片皮鸭，啲皮唔够脆，但系啲鸭肉未都几浓。伴碟除咗有青瓜京葱外，仲有哈密瓜同花生糖。我都系较为钟意传统伴碟，当然多个选择都好。侍应不断sell冬瓜盅好多料，可能佢切得大大粒，我觉得唔算多料，只系多咗几只鲍鱼。味道算系一般。粉丝蒸扇贝，算大只同埋味道生熟度啱啱好。东升斑蒸得啱啱熟，都几好味。酥炸台山蚝，正常水准。整体嚟讲呢餐算系几满意，味道都算中上，环境舒服、又有海景，唔错。