一浩 (已結業)

难得放假，当然要同男朋友去玩乐一下， 男朋友话好想去沙滩睇海景，我哋一于嚟到黄金海岸呢边度玩下沙玩下水咁样，玩完之后就系沙滩附近餐厅度揾食啦。一浩呢间餐厅嘅环境都几舒服几大，又几光猛，主要系食多国菜，岩哂乜都中意食既我地😍，于是一于就去试下。一入到去觉得呢到环境好阔落呀，打开嘅menu发现都有唔同国家嘅款式嘅菜畀我地拣，见咁耐无食日韩菜啦，一于就叫黎试下烧鳕鱼干呢一个系好好嘅前菜，烧鳕鱼肝嘅质感好似鱿鱼丝嘅感觉，干干地但系又有少少烟韧，表面略焦再点埋沙律酱，沙律酱令烧鳕鱼干既鲜味令你更加容易吊出嚟蒲烧鳗什锦芝士卷呢到既芝士卷同坊间既芝士卷好唔同，坊间通常只会用鳗鱼包住个卷，但呢到卷入面会再有多2个配料，包括青瓜同埋芝士粒，青瓜既清爽中和左埋芝士粒既腻感，食落更有层次感。什锦刺身重点系刺身拼盘，呢到既刺身好新鲜，特别系油甘鱼，入口油脂味好重，但系入口即融，值得一赞既系厚切三文鱼，食落非常新鲜无腥味，而吞拿鱼亦都好有技巧咁切得无筋，所有刺身都无雪藏味，值得一赞。豚肉生姜石锅饭豚肉切得好薄身，而且容易咬开，再配上生姜，成个饭感觉好正气，而且有用到生鸡蛋作为酱汁捞饭，食落香味更重 车厘茄烟肉串