韓國屋 (已結業)

呢间店成日都经过只系无心去留意餐牌，皆因佢正位于food court 入面，门外人流好多但帮衬比较少，某日留意到佢个牌，终于想试下佢。今日3个人1830入座，我地系第3台客呢晚唔多人坐得好松动，地面同用具都干净唔油。坐底左先黎每人有一只大虾，一只大八爪鱼跟住去夹野食喇，牛肉得一款其他大部份都系猪肉但都有鸡肉，仲有生菜同有白饭仲有蒜片同泡菜同丸。虽然得一款牛肉，但味道唔错，唔会得肥肉。泡菜唔酸，生菜一次唔会放太多出黎，食落都好爽口唔，算新鲜。啲职员唔多人3个左右，要睇哂成个场，但唔算忙，有礼貌，添野食都快。水吧都系任饮，出乎意料之意外出黎既汽水唔错㖞，因为有时有啲汽水机出啲汽水系无味，又无气。最后仲食左甜品，有雀巢雪糕杯4-5只味选择仲有2只味嘅蛋糕仔（朱古力，绿茶味）2只味都几好，特别钟意朱古力味。埋单3个人都系$324全日无加一个人黎讲真系觉得抵食一心谂住晚市都系$108要求唔可以多但食物出乎意料之外质素唔差，好快返到本亦都唔使黎食野仲要受气。