CHIMAC (天星碼頭)

营业中

休息中

有日买完新手机后坐坐下海傍有点饿，咁岩见到呢间，又咁岩想食韩国野，就一于试下叫个外卖先(咁多咁岩XD)💋韩国原味无骨鸡腿肉配炸薯条，每次去亲韩国都基本上会食炸鸡，但有骨真系有点影响体验，而呢度就有一个唔错的做法，就系无骨，而且仲要系鸡腿肉，就算我拎到回家，都唔会话肉质变嚡，咬落仲有弹牙的口感，而佢炸薯条每条都几粗下，而且就算摆左一段时间，都唔会话淋到好似M记个D咁会低晒头，味道够咸，最后食埋佢送的腌萝卜，解腻作用一流！💋炭烧汉堡蛋盖饭，得D鸡点够我地食㖞，所以我地都要食一食饭，满足一下对淀粉的渴望，而佢汉堡肉咬落系劲JUICY，肉汁满满，仲有淡淡的炭香味，真系一大惊喜呢！佢个蛋就算放耐左，都仲系好滑，而最估唔到的系佢蛋的下层居然收埋左劲多的白饭，份量多到我地都争D食唔晒 >.<，但系汉堡肉的加持下，都能够完成任务，唔会造成浪费，嘻。