Flame at Towngas Avenue (已結業)

想到间有海景嘅餐厅食饭，google完之后拣咗呢间喺中港城嘅名气廊餐厅。因为本身胃口唔大，所以单点咗一份西洋菜汤，番茄素猪肉意粉同latte。点完餐之后立即到露天平台霸个靓位睇海景，系晴天嘅日落下睇海景真系无敌，自然海风凉凉哋好舒服。餐厅里面环境都唔错，环境清幽同音乐令用餐体验好舒适。食物味道都唔错，西洋菜鱼汤几好饮，西洋菜同鱼令到个汤好鲜甜。我加钱点咗虾配个汤，调味同虾几夹，惹味得嚟又唔会盖过虾味，同埋味道同个汤好衬。“肉酱”意粉几惊喜，口感同真猪肉差唔多，我觉得呢种“肉酱”比起普通肉酱好太多，因为我唔会食到筋，冇明明应该啖啖肉但系突然咬到筋个种突兀嘅感觉，而且当然啦，食素比食肉更环保。意粉都唔错，粗管粉同肉酱几夹，啖啖都系酱汁同香料味。最后用一杯玫瑰latte收尾，估唔到玫瑰香同咖啡都几夹，虽然又多云起上嚟，但系望住海景饮咖啡真系好舒畅。