六公館

营业中

休息中

早几日订咗book六公馆同屋企人食餐好啲既新年饭！今次我地叫咗黄金满屋套餐，有7款新年𩠌，配合埋海景简直一流！最欣赏呢个甜蜜美满『龙眼蜜烧西班牙黑豚叉烧』真系超正！食落觉得啲龙眼蜜cover成嚿黑豚叉烧，好入味， 肥瘦均匀，大人小朋友都钟意食 黄金捞起『鸡枞菌捞黄金耳』有少许麻辣嘅味道，落口感层次丰富，鸡枞菌好爽口，做前菜一流 我地一致意同觉得大展鸿图『鸿图海皇翅』好好饮，好足料，入面有蟹肉同海皇翅，好滑又爽口，饮完仲想再饮呀👍 最特别系恭贺金凤鸣『龙井熏太爷鸡』好少食到用龙井熏，令到只鸡入哂味！太爷鸡好滑， 完全唔鞋，正呀❤️ 金哈大笑『金不换奶油虾』卖相好好睇之余，味道好特别！有金不换既味道，啲虾系用油炸，食落去脆卜卜，好惹味 苦尽甘来『八宝白凉瓜』呢一味最啱老人家食，食落甘甘地又唔苦，连埋入面啲馅一齐食啲味道啱啱好👍发财好市长寿面蚝豉配发菜幼面，一家大细都啱食，味道唔会太咸， 又好好意头！