Nara Thai Cuisine (港威商場)

营业中

休息中

海港城呢间时尚海景泰国菜Nara Thai Cuisine，喺2020年更被列入曼谷米芝莲餐厅美食推介。每一台都会有嘅虾饼，食落香脆唔油腻，食完之后手指少少油都冇。香茅烤鸡半只 $238呢个香茅烤鸡非常推荐大家叫，落单之后餐厅先开始去整，制作需时30分钟，一上菜就已经闻到香茅同其他香料味，鸡肉又滑又嫩，可以淋埋个泰式酱汁一齐食。酥皮冬阴粟米浓汤 $88仲有一啲fusion菜式，好耐冇饮过酥皮汤，餐牌一见到就好想叫。粟米浓汤饮落会带好轻微冬阴功嘅辣味，将啲酥皮浸落汤后再食，好怀念呢个味道。泰式炒通菜 $88我自己食泰菜一定要叫返碟炒菜，味道正正常常。芒果汁 $38饮落仲会饮到芒果纤维，够晒原汁原味。