海鮮島墨魚刺身專門店

营业中

休息中

暑假最后一日又有好天气，咁就唔好浪费去游车河，之后就入左布袋澳行下同食丰富嘅午餐海鲜啦！我地入左去 海鲜岛 食午餐，虽然仲系夏天，不过望住个靓view，一边食海鲜一边吹住海风，个feel又真系几正。(最好就系可以同埋狗仔一齐食嘛)食物种类都多，而且价钱都系合理价，不过我地就唔想谂太多，简单啲叫左个四人餐啦。先嚟白灼生海虾，啲虾都好大只，而且好鲜甜又弹牙。再嚟椒盐鲜鱿，炸得外脆内嫩，一啖一口密密食好滋味。海鲜豆腐汤，汤料好足入面有好多唔同嘅海鲜，而且佢用左咸鱼做料，鲜味十足得嚟又唔会过咸，饮完绝对系下火一流…哈哈…哈错。古法蒸鲍鱼，鲍鱼好大只而且都非常新鲜，蒸嘅时候又刚刚好，所以食落特别鲜甜有口感。店姨姨仲教我地快速用两支竹签起鲍鱼方法，真系超有效呀！金蒜银丝蒸海皇贝，海皇贝新鲜有弹口，连埋啲蒜香同埋吸晒精华嘅粉丝一齐食，真心觉得系超好味呀！仲有白菜仔不得不提佢个干烧伊面，味道刚刚好，炒得干身之余仲唔油，绝对系惊喜之作。