海港薈

营业中

休息中

带外国朋友饮茶，通常一系拣地区特色小店，一系就拣一啲有返少少特别嘅酒楼，依间海港荟，最正就系有一个超级靓嘅海景。佢啲点心都唔差，黑毛猪叉烧包非常扎实，酱唔会太甜，包又松软。马拉糕都一样香甜松软，但个甜意又唔会太死。虾饺入面嘅虾仁大大粒，爽口鲜甜，皮唔会厚，仲有啲烟韧。我哋仲嗌咗啲小吃，椒盐炸豆腐外脆内嫩，滑溜嘅豆腐热辣辣，点醋就最好吃。炸两大大份，非常饱肚。朋友点左个灌汤饺，汤鲜热，馅料丰富。海景一流，坐得宽敞，点心又有水准，系市区饮茶都可以考虑下。