凱柏冰室 (已結業)

荃湾海之恋有一个好靓嘅海滨，仲可以揾到间平靓正嘅冰室，一路海景送饭，啱晒粮尾嘅我。好，坐低睇吓有咩好食先。见到餐厅内部布置都几得意。鲜茄烩猪扒煲，真系原煲上，上枱嘅时候酱汁仲系滚住，够热先好食，记住要小心唔好烫亲手。猪扒啖啖肉，首先煎香，再放入煲去烩，食落够腍够入味，仲有大大件好多件。真系原只蕃茄㗎，酱汁亦都好有蕃茄味，系新鲜蕃茄加茄汁。跟白饭好够份量，大食都够饱。冻柠蜜，唔会太甜，饮冻饮凉浸浸。