奇納百川 (已結業)

呢间之前同家姐都去过，不过上次就只系坐低饮杯嘢，仲记得饮品个样系几靓靓嘅😳所以今次就试埋佢啲食物先～1️⃣烤烟腩蛋黄忌廉手搓粉$168: 第一次食手搓粉，口感好Q弹👍🏻将蛋黄捞匀酱汁一齐食，好滑+香浓蛋黄味道，烟腩也煎得微微脆口，必点食物之一💕2️⃣炸午餐肉条配芝士酱$68: 邪恶嘅食物但系又唔会好油腻，芝士酱味道偏淡唔会惊抢咗午餐肉嘅味道！3️⃣韩式牛肉包饭卷$108: 食韩国菜点少得叫个饭卷！除左牛肉，仲唔少得萝卜，青瓜丝，沾埋个辣酱又几夹😋4️⃣肥纳百川$72: 榛子朱古力味道好浓，味道好纯唔会过甜～加埋两粒棉花糖成杯感觉好可爱💕不知不觉饮晒成杯🙈💥环境💥海景位置系卖点，打咭一流👏🏻环境大又舒适，就算坐唔到窗边位置，其他位都唔错👍🏻💥服务💥店员速度几快手，上菜时间比想像中快，而且会主动加下水，礼貌都正常水平。