彩薈軒 (iSQUARE國際廣場)

营业中

休息中

星期六唔使早起送返学，瞓到自然醒，就同囡囡去饮茶，非常休闲。今次想试下新嘢，就去咗国际广场嘅彩荟轩，佢哋有唔少点心款式，系得到旅发局嘅奖项，例如我哋就点咗当中的鲍鱼烧卖。每粒烧卖上都有一只鲍鱼，非常矜贵，而烧卖混合猪肉虾肉，非常弹牙爽口。另外，我们还叫了瑶柱鱼翅灌汤饺灌汤饺，饺大大只，汤又有瑶柱同鱼翅，汤头浓郁甘香。当然唔少得囡囡最爱嘅小笼包同埋红枣糕，小笼包里汤汁非常多，皮薄馅靓。红枣糕我就冇食，因为一笼四件，都畀我囡囡扫晒。最后还点了原个椰皇炖燕窝，好适合呢个季节润一润。呢度居高临下，望住维港嘅景色，饮茶特别开心。坐得舒服，服务亦好，下次我带埋全家嚟试下先。