冰極餐廳

营业中

休息中

屋企人生日，一个月前已经要打电话预订海洋公园冰极餐厅。大家记得要预时间先坐海洋列车到餐厅，车程大约6分钟。入到餐厅，确实是环境舒适，有一个好大嘅企鹅玻璃墙，每张枱之间都有适当的防疫距离，不过我唔系咁赞成要求坐窗边，因为你除咗口罩食嘢嘅时候，好多人会走埋去你旁边睇企鹅。因为海洋公园送咗一张八折生日coupon俾寿星。谂住人一世物一世，于是嗌咗杂扒同低碳套餐。杂扒方面，条鱼好滑，其他食物就不过不失。低碳套餐方面，意粉OK，甜品一流。虽然每人大约需要$300至350，但系真系坐得好舒服，厕所都好干净，我觉得一世人应该去一次。总括来说，呢个价钱系食环境，食物方面真系冇乜特别，如果有生日八折coupon，就简直Perfect。