影片
更多
2016-09-23
952 浏览
同frd睇完话剧，就系中环周围行下揾下野食医肚。行过见到呢间"胡须仔"几得意，又想扮下外国人试下fish and chips就入左去啦。虽然间野比较娇小，得四五张高枱，围住几张高櫈咁，但摆设装修就好有风味，有船的模型同船牢标志，仲有霓虹灯字牌写住welcome aboard！好，就等我一齐出海"捕"鱼啦！个日天口咁热，一入去当然叫番杯冻野饮下先消下暑，望一望个饮品架都几多选择，酒精冇酒精都有。下昼又未想饮酒住，就叫要左杯冻柠檬茶饮，当然系用鲜柠檬，正正常常ok大杯啦。跟住谂食乜先发现fish and chips咁讲究，分好多种唔同既鱼。冇食开既我即刻问下店员小姐边款受欢迎。佢又好细心咁答我，冇食开既可以拣signature，鱼系hoki fillets，如果想食特别既鱼就可以拣ling cod fish(鳕鱼)。咁我当然听听话话拣signature啦！仲有得八款酱入面拣一款添，仲多选择过点jack！可怜我有个蛋黄酱痴frd劲快帮我答左mayo，想试其他味都要等下次lu。原来佢地做所有食物都系即叫即做即炸，咁好野系要等既，我地就等左10分钟左右啦。主角炸鱼薯条终于上枱！热辣辣炸起金黄色超
虽然间野比较娇小，得四五张高枱，围住几张高櫈咁，但摆设装修就好有风味，有船的模型同船牢标志，仲有霓虹灯字牌写住welcome aboard！好，就等我一齐出海"捕"鱼啦！
个日天口咁热，一入去当然叫番杯冻野饮下先消下暑，望一望个饮品架都几多选择，酒精冇酒精都有。
下昼又未想饮酒住，就叫要左杯冻柠檬茶饮，当然系用鲜柠檬，正正常常ok大杯啦。
跟住谂食乜先发现fish and chips咁讲究，分好多种唔同既鱼。冇食开既我即刻问下店员小姐边款受欢迎。佢又好细心咁答我，冇食开既可以拣signature，鱼系hoki fillets，如果想食特别既鱼就可以拣ling cod fish(鳕鱼)。咁我当然听听话话拣signature啦！仲有得八款酱入面拣一款添，仲多选择过点jack！可怜我有个蛋黄酱痴frd劲快帮我答左mayo，想试其他味都要等下次lu。
原来佢地做所有食物都系即叫即做即炸，咁好野系要等既，我地就等左10分钟左右啦。
主角炸鱼薯条终于上枱！热辣辣炸起金黄色超靓，块鱼仲手掌咁大添！
我急不及待落柠柠汁再切开试下个鱼，入口时仲有少少辣口，真系好香好松软！鱼面头带轻微白胡椒味，原全冇盖到个鱼本身只甜味！同平时早餐食个啲又稔又冇味既炸鱼柳完全唔同level！个鱼已经够甜我都冇乜点过蛋黄酱~可惜我个电话亏影唔到咬开左个鱼中间几靓几松化！
再试埋个chips，唔系空心的，系个种中间充满薯蓉既粗薯条！即炸已经冇得弹，加埋邪恶既蛋黄酱真系一流！
虽然好似细细地一盒咁，但食落去真系超饱！店员小姐好好帮我做左set A price，即系$60 fish and chips + $10 冻柠檬茶，成餐都系$70，咁正真系超抵！
而家再谂番都流哂口水，知道呢间野中环码头都有分店，等我下次撘船前再战其他鱼+唔同味既酱！
张贴
