海南少爺 (已結業)

喺海港城LCX地下位置，玩具反斗城旁边，一家大细睇完玩具，行到好攰，下午茶时间，去左旁边一间海南少爷。下午茶时间唔多人，仲要有窗口位，望住个海景慢慢饮啖茶，嗌咗个套餐加几个小食，好满足。餐厅用QR code 落单，非常方便。星马菜，有海南鸡、肉骨茶、喇沙、捞起、卤味……价钱唔贵，份量好多。招牌海南鸡拼海鲜喇沙招牌菜海南鸡，必定要试，佢可以选择拼海鲜喇沙或者肉骨茶，冇拣错喇沙，喇沙味有层次，浓郁香味，配米线米粉，仲有大大只虾。海南鸡鸡肉质滑，鸡皮爽口唔肥，配有传统三色酱，其为自家调制之酱汁，好食！咸蛋黄鱿鱼分量够，咸蛋黄分量够，刚刚好挂在鱿鱼上，鱿鱼簿簿一层炸粉，保存鱿鱼之好感鲜嫩。卤味拼盘有豆腐、糖心蛋、猪手、鸡脚花生，鸡脚非常入味，猪手皮爽肉嫩，豆腐索晒啲豉油味，炸过嘅豆腐边脆，好吃。四人份量，中间仲有咸酸菜，送饭一流。海港城首推，坐得舒服，价钱经济，仲有海景，职员殷勤服务， 一流。