海南少爺 (已結業)

餐厅装修雅致，座位舒服，有几张枱可以望到海景，想坐海景位嘅朋友记得要提早预约。点咗星马菜必食嘅椰香海鲜喇沙，一上枱已经闻到椰香味，配料好足，分别有鱼片、鱼卜，鱿鱼、虾，布满整碗面。虾肉系已经剥咗壳，好方便，鱼片好爽口，汤底较稠身，非常浓郁，面质用左米粉米线渗渗，吸收哂汤既精华。另外叫咗3个小食 - 沙嗲拼盘 （6串），星洲酱油参巴炒萝卜糕，槟城脆虾角。沙嗲拼盘要左鸡肉猪肉各3串，鸡肉猪肉烤完仍保持肉汁，沾上浓中带咸香既沙嗲酱好夹。槟城脆虾角香脆可口，虾肉份量足，非常爽口，沾少少泰式辣酱食更添风味。星洲酱油参巴炒萝卜糕好惹味，萝卜糕呈正方体，细细粒，可以吃到参巴酱洋葱以及蒜头的颗粒感，香气四溢。